कल्याण डोंबिवली परिसरात पोलिसांकडून ड्रग्स तस्कराविरोधात धडक कारवाई सुरू करण्यात आली आहे. गेल्या तीन चार महिन्यांपासून सातत्याने ही कारवाई सुरू आहे. कल्याण डीसीपी स्कॉडला खडकपाडा पोलीस ठाणे अंतर्गत येणाऱ्या आंबिवली परिसरात बेकायदेशीरपणे एम.डी ड्रग्स विक्री केले जात असल्याची माहिती मिळाली होती.
कल्याण डीसीपी स्कॉडने आंबिवली इराणी वस्ती मधून इराणी लेडी डॉनला बेड्या ठोकल्यात. फिजा इराणी असं या लेडी डॉनचं नाव असून तिच्या जवळून पोलिसांनी 1 लाख 16 हजार रुपये किमतीचे एमडी ड्रग्स जप्त केले आहे. फिजा इराणी विरोधात याआधी देखील ड्रग्स तस्करीसह गंभीर स्वरूपाचे गुन्हे दाखल आहेत.
कल्याण डोंबिवली परिसरात पोलिसांकडून ड्रग्स तस्कराविरोधात धडक कारवाई सुरू करण्यात आली आहे. गेल्या तीन चार महिन्यांपासून सातत्याने ही कारवाई सुरू आहे. कल्याण डीसीपी स्कॉडला खडकपाडा पोलीस ठाणे अंतर्गत येणाऱ्या आंबिवली परिसरात बेकायदेशीरपणे एम.डी ड्रग्स विक्री केले जात असल्याची माहिती मिळाली होती. या माहितीच्या आधारे डीसीपी स्कॉडच्या पथकाने अटाळी परिसरात सापळा रचला.
या ठिकाणी एक महिला स्कुटी घेऊन उभी होती. तिच्या हालचाली संशयास्पद वाटल्याने पोलिसांनी तत्काळ तिला हटकले. तिची झडती घेतली असता तिच्या जवळून एक लाख 16 हजार रुपये किमतीचे एम.डी ड्रग्स आढळून आले .पोलिसांनी तत्काळ या महिलेला ताब्यात घेतलं .फिजा इराणी असे या महिलेचे नाव आहे. ती आंबिवली जवळील कुप्रसिद्ध असलेल्या इराणी वस्तीमध्ये राहते .तिच्या विरोधात खडकपाडा, कोळशेवाडी पोलीस ठाण्यात गंभीर स्वरूपाचे गुन्हे दाखल असल्याची माहिती पोलिसांनी दिली.
दुसरीकडे, कल्याणमधील आधारवाडी तुरुंगात एका न्यायबंदीने (न्यायालयीन कोठडीतला आरोपी) रागाच्या भरात एका पोलीस हवालदाराला ठोश्या बुक्क्यांनी बेदम मारहाण केल्याची घटना सोमवारी घडली. या न्यायबंदीला कल्याण जिल्हा आणि सत्र न्यायालयात एका गुन्ह्यातील सुनावणीच्या कामासाठी पोलीस बंदोबस्तात नेण्यात आले होते. सुनावणीच्या वेळीही या न्यायबंदीने न्यायालयात न्यायदंडाधिकारी यांच्याशी वाद घालण्याचा प्रयत्न केला होता, असे खडकपाडा पोलीस ठाण्यातील तक्रारीत म्हटले आहे. सुरज शंकर सिंग उर्फ विरेंद्र शंकर मिश्रा (वय 29) असे न्यायबंदीचे नाव आहे.तर सुनील लोटन पाटील (वय 57) असे मारहाण झालेल्या पोलीस हवालदाराचे नाव आहे.
